ഈരാറ്റുപേട്ട: ഈരാറ്റുപേട്ടയുടെ സമീപപ്രദേശങ്ങളിലെ നിരവധി വീടുകളില്‍ മോഷണം നടന്നു. നടയ്ക്കല്‍, പത്താഴപ്പടി ഭാഗങ്ങളിലെ ഒരു വീട്ടില്‍ മോഷണവും മറ്റു നാല് വീടുകളില്‍ മോഷണശ്രമവും നടന്നു. കാരക്കാട് ഹസന്‍കുട്ടിയുടെ വീട്ടില്‍ നിന്നും രണ്ടര പവന്റെ സ്വര്‍ണവും ടോര്‍ച്ചും മോഷണം പോയി. വീടിന്റെ അടുക്കള വാതില്‍ തകര്‍ത്താണ് മോഷ്ടാക്കള്‍ അകത്തു കടന്നത്.ഈരാറ്റുപേട്ട പൊലിസ് കേസെടുത്തു. കഴിഞ്ഞ ദിവസങ്ങളില്‍ സമീപപ്രദേശങ്ങളായ കളത്തൂക്കടവ്, അമ്പാറനിരപ്പ്, മൂന്നാംതോട് ഭാഗത്തും മോഷണം നടന്നിരുന്നു. പൊലിസിന്റെ രാത്രികാല പരിശോധനകള്‍ കര്‍ശനമാക്കണമെന്ന ആവശ്യം ശക്തമായിരിക്കുകയാണ്.