തേഞ്ഞിപ്പലം: 62 വര്‍ഷത്തോളം കാലം വാടകകെട്ടിടത്തില്‍ പ്രവര്‍ത്തിച്ച മൂന്നിയൂര്‍ വൈക്കത്തുപാടം മേലോടിപറമ്പ് ഗവ. എല്‍.പി സ്‌കൂളിന് അവസാനം സ്വന്തമായി കെട്ടിടമായി. മുന്‍ എം.എല്‍.എ കെ.എന്‍.എ ഖാദര്‍ അനുവദിച്ച 50 ലക്ഷം രൂപയും മൂന്നിയൂര്‍ ഗ്രാമപഞ്ചായത്തില്‍ നിന്നും ലഭ്യമായ ഏഴു ലക്ഷം രൂപയും ചെലവിട്ടാണ്  നാല് ക്ലാാ് മുറികളും ഒരു കംപ്യൂട്ടര്‍ റൂമും ഓഫിസ് മുറിയും ഉള്‍ക്കൊള്ളുന്ന കെട്ടിടം പണിതത്. ആവശ്യത്തിന് മൂത്രപ്പുരകളും കഞ്ഞിപ്പുരയും സ്റ്റോര്‍ റൂമും ഇതിനോടൊപ്പം പണി കഴിപ്പിച്ചിട്ടുണ്ട്.കെട്ടിടോദ്ഘാടനം പി അബ്ദുല്‍ ഹമീദ് എം.എല്‍.എ നിര്‍വ്വഹിച്ചു. ഗ്രാമപഞ്ചായത്ത് പ്രസിഡന്റ് കുട്ടശ്ശേരി ശരീഫ അധ്യക്ഷയായി.
ജില്ലാ പഞ്ചായത്തംഗം ബക്കര്‍ ചെര്‍ന്നൂര്‍, വാര്‍ഡ് അംഗം എം.എ അസീസ്, അന്‍വര്‍ സാദത്ത് സംബന്ധിച്ചു.