എടപ്പാള്‍: ദിവസം തോറും പെടോള്‍ ഡീസല്‍ വില വര്‍ധിപ്പിച്ചും വാഹന ഇന്‍ഷൂറന്‍സ് പ്രീമിയം വര്‍ധിപ്പിച്ചു മോട്ടോര്‍ തൊഴിലാളികളെ ദ്രോഹിക്കുന്ന കേന്ദ്ര സര്‍ക്കാര്‍ നയം തിരുത്തി വില വര്‍ധനവ് പിന്‍വലിക്കണമെന്ന് വട്ടംകുളത്ത് ചേര്‍ന്ന മോട്ടോര്‍ ആന്റ് എന്‍ജിനീയറിങ് വര്‍ക്കേഴ്‌സ് യൂനിയന്‍ സി.ഐ.ടി.യു എടപ്പാള്‍ ഏരിയ സമ്മേളനം ആവശ്യപ്പെട്ടു. സമ്മേളനം യൂനിയന്‍ ജില്ലാ പ്രസിഡന്റണ്ട് അഡ്വ. സി.എച്ച് ആഷിക്ക് ഉദ്ഘാടനം ചെയ്തു. പി.ജി വിനോദ് അധ്യക്ഷനായി. ഏരിയ സെക്രട്ടറി എം.എ നവാബ് പ്രവര്‍ത്തന റിപ്പോര്‍ട്ട് അവതരിപ്പിച്ചു. വി.വി കുഞ്ഞുമുഹമ്മദ്, എസ് സുജിത്ത്, എം മുഹമ്മദാലി, പി ഗിരീഷ് സംസാരിച്ചു. പുതിയ ഭാരവാഹികള്‍ എസ് സുജിത്ത് പ്രസിഡണ്ടന്റ്, എം.എ നവാബ് സെക്രട്ടറി, അഡ്വ. പി.പി മോഹന്‍ ദാസ് ട്രഷറര്‍.