തുവ്വൂര്‍: നിരവധി കേസുകളില്‍ കോടതിയില്‍ ഹാജരാകാതെ മുങ്ങി നടന്ന പിടികിട്ടാപ്പുള്ളിയെ കരുവാരക്കുണ്ട് പൊലിസ് പിടികൂടി. പെരുമ്പാവൂര്‍ മാലമ്പള്ളി സ്വദേശി മടവന സിദ്ദീഖി(40) നെയാണ് കിഴക്കേതലയില്‍വച്ച് പിടികൂടിയത്. വാഹന മോഷണം, കഞ്ചാവ് വില്‍പന തുടങ്ങി 15 കേസുകള്‍ ഇയാള്‍ക്കെതിരെ എറണാകുളം ജില്ലയിലെ വിവിധ സ്റ്റേഷനുകളിലുണ്ടെന്ന് പൊലിസ് പറഞ്ഞു.
ഇയാളെ മഞ്ചേരി കോടതിയില്‍ ഹാജരാക്കി. കരുവാരകുണ്ട് എസ്.ഐ പി. ജോതീന്ദ്രകുമാര്‍, എ.എസ്.ഐമാരായ ശ്രീകുമാര്‍, മോഹന്‍ദാസ്, അബ്ദുല്‍ സലാം, സി.പി.ഒമാരായ ഫാസില്‍, അന്‍സാര്‍, മന്‍സൂര്‍ എന്നിവരടങ്ങുന്ന പൊലിസ് സംഘമാണ് പ്രതിയെ പിടികൂടിയത്.