മലപ്പുറം: മെയ് 5,6 തിയതികളില്‍ നടക്കുന്ന എസ്.ടി.യു 60-ാം വാര്‍ഷിക സമ്മേളന പ്രചാരണാര്‍ഥം മലപ്പുറം  മുനിസിപ്പല്‍ സ്വതന്ത്ര മോട്ടോര്‍ തൊഴിലാളി യൂനിയന്‍ (എസ്.ടി.യു) വാഹന പ്രചാരണ ജാഥ സംഘടിപ്പിച്ചു. സുന്നി മഹല്‍ പരിസരത്ത് മുനിസിപ്പല്‍ സ്ഥിരംസമിതി അധ്യക്ഷന്‍ പരി അബ്ദുല്‍ മജീദ് പതാക കൈമാറി ഉദ്ഘാടനം ചെയ്തു. തുടര്‍ന്ന് മലപ്പുറം നഗരം ചുറ്റി ജാഥ തിരൂര്‍ റോഡില്‍ സമാപിച്ചു. ചടങ്ങില്‍ ഈസ്റ്റേണ്‍ സലീം അധ്യക്ഷനായി. അങ്കത്തില്‍ മന്‍സൂര്‍, സിദ്ദീഖ് പെരുമ്പറമ്പ്, റാഫി വാറങ്കോട്, ജാഫര്‍ പട്ടര്‍കടവ്, മുസ്തഫ പാണക്കാട്, സമീര്‍ മേല്‍മുറി, മഹ്‌റൂഫ് കാരതൊടി, ഹനീഫ മഞ്ഞാംപള്ളി, റഹൂഫ് കാരാതൊടി സംസാരിച്ചു.