പാതാമ്പുഴ: പാതാമ്പുഴയില്‍ അനധികൃത മദ്യവില്‍പന ജനങ്ങള്‍ക്ക് ദുരിതമാകുന്നു.
പൊലിസും എക്‌സൈസും പരിശോധന കര്‍ശനമാക്കിയിട്ടും വില്‍പനയ്ക്കു കുറവുണ്ടാകുന്നില്ല. രാവിലെ മുതല്‍ ടൗണിലും സമീപ പ്രദേശങ്ങളിലും വിവധ സംഘങ്ങളാണു വില്‍പ്പന നടത്തുന്നത്.
വിദേശ മദ്യശാലകളില്‍ നിന്നും വാങ്ങി സൂക്ഷിക്കുന്നതും അനധികൃതമായി നിര്‍മിക്കുന്നതുമായ മദ്യവില്‍പന ശാലകള്‍ ഇവിടെ സുലഭമാണ്.  മദ്യവില്‍പനക്കാര്‍ തമ്മില്‍ സംഘര്‍ഷവും പതിവാണ്. അനധികൃത മദ്യവില്‍പനക്കാര്‍ക്കെതിരേ കര്‍ശനടപടിയെടുക്കണമെന്ന ആവശ്യം ശക്തമായിരിക്കുകയാണ്.