വാര്‍ത്ത തെറ്റെന്ന് ബ്ലോക്ക് പഞ്ചായത്ത്
കോതമംഗലം: ബ്ലോക്ക് പഞ്ചായത്തും കോടതിയും തമ്മില്‍ വസ്തു സംബന്ധമായി തര്‍ക്കം നിലനില്‍ക്കുന്നുവെന്നും പൊലിസിനോട് കേസെടുക്കാന്‍ കോടതി നിര്‍ദേശിച്ചതായും ചില മാധ്യമങ്ങളില്‍ വന്ന വാര്‍ത്ത അടിസ്ഥാനരഹിതമാണെന്ന് ബ്ലോക്ക് പഞ്ചായത്ത് പ്രസിഡന്റ് റഷീദ സലീം പറഞ്ഞു.
ഇത്തരത്തില്‍ ഒരു വാര്‍ത്തയിലേക്ക് കോടതിയെ വലിച്ചിഴച്ചത് തെറ്റായിപ്പോയി. 44.5 സെന്റ് സ്ഥലം ബ്ലോക്ക് പഞ്ചായത്ത് കോടതിക്ക് നല്‍കിയിട്ടുണ്ടെന്നും ഇത് കോടതി മതില്‍ കെട്ടി സംരക്ഷിച്ചു വരുന്നതാണെന്നും അവര്‍ വ്യക്തമാക്കി.