കോഴിക്കോട്: അല്‍ഹിന്ദ് ഗ്രൂപ്പ് ഓഫ് കമ്പനീസ് കാലിക്കറ്റ് സിറ്റി ഓഫിസേഴ്‌സ് 'സ്‌പോര്‍ട്‌സ് ഡേ-2017' കോഴിക്കോട് എക്‌സ്‌ക്ലുസീവ് ക്ലബില്‍ നടന്നു. രാവിലെ എട്ടിന് ആരംഭിച്ച പരിപാടിയുടെ ഉദ്ഘാടനം മുന്‍ ഇന്ത്യന്‍ ഇന്റര്‍നാഷനല്‍ ഫുട്‌ബോളര്‍ ഹാരിസ് റഹ്മാന്‍ നിര്‍വഹിച്ചു. അല്‍ഹിന്ദ് കണ്‍ട്രി മാനേജര്‍ ഇന്ത്യ ഷിഹാബ് മുഹമ്മദ് സാലി കളിക്കാരെ പരിചയപ്പെട്ടു. ഫുട്‌ബോള്‍ ഫൈവ്‌സ്, ഷട്ടില്‍ ബാഡ്മിന്റണ്‍ ഡബിള്‍സ് എന്നീ രണ്ടിനങ്ങളിലായി നടന്ന മത്സരങ്ങളില്‍ വിവിധ ടീമുകള്‍ ഏറ്റുമുട്ടി.  
ബാഡ്മിന്റണ്‍  മത്സരത്തില്‍ കോര്‍പറേറ്റ് മര്‍കസ് ഓഫിസ് ടീമും ഫുട്‌ബോള്‍ ഫൈവ്‌സ് മത്സരത്തില്‍ പോര്‍ട്ടല്‍ ടീമും വിജയികളായി.
വിജയികള്‍ക്കുള്ള ട്രോഫികള്‍ അല്‍ഹിന്ദ് മാനേജര്‍ ഇന്ത്യ ഷിഹാബ് മുഹമ്മദ് സാലി നിര്‍വഹിച്ചു.