കോഴിക്കോട്: ഓള്‍കേരളാ ടയര്‍ വര്‍ക്കേഴ്‌സ് അസോസിയേഷന്‍ ജില്ലാ സമ്മേളനം കുന്ദമംഗലത്ത് ഇന്നാരംഭിക്കും. സമ്മേളനത്തിന്റെ ഭാഗമായി  നാളെ ജില്ലയിലെ  മുഴുവന്‍ ടയര്‍ സ്ഥാപനങ്ങളും അടച്ചിടും.എ.കെ.ടി.ഡബ്ല്യു.എ സംസ്ഥാന പ്രസിഡന്റ് അശോകന്‍ തൈക്കാട് പതാക ഉയര്‍ത്തി സമ്മേളനത്തിന് തുടക്കം കുറിക്കും. പി.ടി.എ റഹീം എം.എല്‍.എ പൊതുസമ്മേളനം ഉദ്ഘാടനം ചെയ്യും. പ്രതിനിധി സമ്മേളനം, പ്രകടനം, കുടുംബസംഗമം, ഗാനമേള, വിവിധ കമ്പനികളുടെ പവലിയനും  ഉണ്ടാകും. വാര്‍ത്താസമ്മേളനത്തില്‍ എ.കെ.ടി.ഡബ്ല്യു.എ ജില്ലാ പ്രസിഡന്റ് മൊയ്തീന്‍ കുറ്റിക്കാട്ടൂര്‍, വി.കെ ഉണ്ണികൃഷ്ണന്‍, പ്രദീപ് കുമാര്‍, ദിനേഷ് പങ്കെടുത്തു.