വടകര: ആര്‍.എം.പി.ഐ സ്ഥാപക നേതാവ് ടി.പി ചന്ദ്രശേഖരന്റെ അഞ്ചാം രക്തസാക്ഷിദിനം ഇന്ന് ഓര്‍ക്കാട്ടേരിയില്‍ നടക്കും. ആര്‍.എം.പി.ഐ ദേശീയ സെക്രട്ടറി മംഗത്‌റാം പസ്‌ല അനുസ്മരണ സമ്മേളനം ഉദ്ഘാടനം ചെയ്യും.
 ചടങ്ങില്‍ സംസ്ഥാന സെക്രട്ടറി എന്‍. വേണു, കെ.കെ രമ, ചെയര്‍മാന്‍ ടി.എല്‍ സന്തോഷ്, കെ.സി ഉമേഷ്ബാബു, കെ.എസ് ഹരിഹരന്‍ പങ്കെടുക്കും. ദിനാചരണത്തിന്റെ ഭാഗമായി പ്രഭാതഭേരി, ടി.പി സ്മൃതികുടീരത്തില്‍ പ്രതിജ്ഞ പുതുക്കല്‍ എന്നിവയും നടക്കും.
വെകുന്നേരം വെള്ളികുളങ്ങരയില്‍നിന്നും ചുവപ്പുസേനാ മാര്‍ച്ചും പ്രകടനവും ആരംഭിക്കും. ഓര്‍ക്കാട്ടേരി ചന്തമൈതാനിയിലാണ് പരിപാടി നടക്കുന്നത്.