ന്യൂയോര്‍ക്ക്: ഉത്തര കൊറിയ ആണവ പരീക്ഷണത്തിനുള്ള തയാറെടുപ്പിലാണെന്ന് ഉപഗ്രഹ ചിത്രങ്ങള്‍ സൂചിപ്പിക്കുന്നതായി അമേരിക്ക ആസ്ഥാനമായുള്ള നീരീക്ഷകര്‍.
പെന്‍ഗീ റി എന്ന സൈറ്റ് ശേഖരിച്ച ചിത്രങ്ങളാണ് നോര്‍ത്ത്‌കൊറിയ പുതിയ ആണവ പരീക്ഷണങ്ങള്‍ക്കുള്ള തയാറെടുപ്പിലാണെന്നുള്ള തെളിവുകള്‍ നല്‍കിയത്.
ഏപ്രില്‍ 25ന് പകര്‍ത്തിയ ഉപഗ്രഹ ചിത്രത്തിലാണ് ആണവ പരീക്ഷണങ്ങള്‍ക്കായി ഭൂഗര്‍ഭ പാതയിലേക്ക് വെള്ളം പമ്പ് ചെയ്യുന്ന തൊഴിലാളികളെ കണ്ടെത്തിയത്.
പുതുതായി പുറത്തുവിട്ട ഉപഗ്രഹ ചിത്രങ്ങള്‍ സൂചിപ്പിക്കുന്നത് ഉത്തരകൊറിയയുടെ ആണവ പരീക്ഷണത്തിനായുള്ള ശ്രമങ്ങളാണെന്നും രാജ്യത്തിന്റെ ഉത്തര ഭാഗങ്ങളിലെ മലനിരകളിലെ കെട്ടിടങ്ങള്‍ ഇതിനായുള്ള തയാറെടുപ്പിലാണെന്നും ഉത്തര കൊറിയന്‍ സന്ധദ്ധ സംഘടനയായ 38 നോര്‍ത്ത് പ്രസ്താവിച്ചു.
എന്നാല്‍, പുതിയ ആണവ പരീക്ഷണങ്ങള്‍ ഉത്തരകൊറിയയില്‍ തുടരുന്നുണ്ടോയെന്നത് വ്യക്തമല്ലെന്നും ലഭിച്ച ചിത്രങ്ങള്‍ പരീക്ഷണങ്ങള്‍ക്കുള്ള പ്രധാനപ്പെട്ട നീക്കത്തെയാണ് സൂചിപ്പിക്കുന്നതെന്നും യു.എസ് കൊറിയ ഇന്‍സ്റ്റിറ്റ്യൂട്ടിലെ ഗവേഷകനായ ജോണ്‍ഹോപ്കിന്‍ പറഞ്ഞു.