പെരുമ്പാവൂര്‍: സര്‍വ്വദേശീയ തൊഴിലാളി ദിനത്തില്‍ തൊഴിലുറപ്പ് തൊഴിലാളികളെ ആദരിക്കുകയും ഉപഹാര സമര്‍പ്പണവും നടത്തി. വാഴക്കുളം പഞ്ചായത്ത് മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ 100 തൊഴില്‍ ദിനം പൂര്‍ത്തിയാക്കിയ രണ്ടാം വാര്‍ഡിലെ തൊഴിലാളികളെയാണ് വാര്‍ഡ് മെമ്പര്‍ സമിജ മുജീബിന്റെ നേതൃത്വത്തില്‍ സംഘടിപ്പിച്ച ചടങ്ങില്‍ ആദരിക്കുകയും ഉപഹാരം നല്‍കിയും അരിവിതരണം നടത്തുകയും ചെയ്തത്. പരിപാടി ജില്ലാ പഞ്ചായത്ത് വൈസ് പ്രസിഡന്റ് അഡ്വ. ബി.എ അബ്ദുല്‍ മുത്തലിബ് ഉധ്ഘാടനം ചെയ്തു.
വാഴക്കുളം പഞ്ചായത്ത് പ്രസിഡന്റ് വിജി സണ്ണ അധ്യക്ഷത വഹിച്ചു. പഞ്ചായത്ത് മെമ്പര്‍മാരായ സി.എ ഫൈസല്‍, സനിത റഹീം, വി.സി ചന്ദ്രന്‍, നസീര്‍ കാക്കനാട്ടില്‍, സജീന സിദ്ധീഖ്, മുന്‍ പഞ്ചായത്ത് പ്രസിഡന്റ് റ്റി.എച്ച് അബ്ദുല്‍ ജബ്ബാര്‍, മാറംമ്പിള്ളി സര്‍വ്വീസ് സഹകരണ ബാങ്ക് പ്രസിഡന്റ് കെ.എം അബ്ദുല്‍ അസീസ്, എന്‍.ബി രാമചന്ദ്രന്‍, കെ.എ അബ്ദുല്‍ അസീസ്, റ്റി.എ കുഞ്ഞുമുഹമ്മദ് എന്നിവര്‍ സംസാരിച്ചു.