മട്ടാഞ്ചേരി: വില്‍പ്പനക്കായി എത്തിച്ച ലഹരി ഗുളികകളുമായി യുവാവിനെ എക്‌സൈസ് അറസ്റ്റ് ചെയ്തു.ആലുവ പമ്പ് കവല കൊട്ടാരക്കാട്ട് വീട്ടില്‍ വിഷ്ണു(22)വിനെയാണ് കൊച്ചി എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ടി.പി ജോര്‍ജ്ജിന്റെ നേതൃത്വത്തില്‍ മുണ്ടംവേലിയില്‍ നിന്ന് പിടികൂടിയത്.വേദന സംഹാരി ഗുളികയായ മയക്ക് മരുന്ന് ഇനത്തില്‍പ്പെട്ട 29 നൈട്രോസപാം ഗുളികകളുമായാണ് ഇയാളെ പിടികൂടിയത്.ഡോക്ടറുടെ കുറിപ്പടിയുണ്ടെങ്കില്‍ മാത്രമേ ഈ ഗുളിക ലഭിക്കൂ.വിദ്യാര്‍ഥികള്‍ക്കും മറ്റും വിതരണം ചെയ്യുന്നതിനായി സംസ്ഥാനത്തിന് പുറത്ത് നിന്നാണ് ഗുളിക എത്തിക്കുന്നത്.
പരിശോധനയില്‍ അസി.എക്‌സൈസ് ഇന്‍സ്‌പെക്ടര്‍ പി.പി മുഹമ്മദ്,പ്രിവന്റീവ് ഒഫീസര്‍ പി.എല്‍.ജോര്‍ജ്ജ്,സിവില്‍ എക്‌സൈസ് ഒഫീസര്‍മാരായ അനില്‍കുമാര്‍,ഷാജഹാന്‍,അജയന്‍ എന്നിവരും ഉണ്ടായിരുന്നു.പ്രതിയെ കോടതിയില്‍ ഹാജരാക്കി.