ഈരാറ്റുപേട്ട: അങ്കാളമ്മന്‍ കോവിലില്‍ മെയ് ഏഴ് മുതല്‍ 14 വരെ ഭാഗവത സപ്താഹ യജ്ഞം നടത്തും. തിരുവനന്തപുരം കോട്ടപ്പുറം ശ്രീ ഭുവനേന്ദ്ര സ്വാമികളാണ് സപ്താഹ യജ്ഞത്തിന്റെ ആചാര്യന്‍. ഏഴിന് വൈകിട്ട് 6.45 ന് സപ്താഹ യജ്ഞ നിര്‍വഹണ സമിതി ചെയര്‍മാന്‍ എം.എസ് ചന്ദ്രശേഖരപിള്ളയുടെ അധ്യക്ഷതയില്‍ ചേരുന്ന യജ്ഞസമാരംഭസഭ ക്ഷേത്രം തന്ത്രി ബ്രഹ്മശ്രീ താഴ്മണ്‍മഠം കണ്ഠരര് രാജീവരര് ഭദ്രദീപപ്രകാശനം നടത്തി ഉദ്ഘാടനം ചെയ്യും.
സന്യാസി മാര്‍ഗദര്‍ശക മണ്ഡല്‍ സംസ്ഥാന സെക്രട്ടറി സ്വരൂപാനന്ദ സരസ്വതി സ്വാമികള്‍ അനുഗ്രഹപ്രഭാഷണം നടത്തും. മെയ് 8 മുതല്‍ 14 വരെ രാവിലെ 5 മുതല്‍ സൂക്തജപങ്ങള്‍, നിര്‍മ്മാല്യ ദര്‍ശനം, ഗണപതിഹോമം, വിഷ്ണുസഹസ്രനാമജപം, ഗ്രന്ഥ നമസ്‌ക്കാരം, ശ്രീമദ് ഭാഗവത പാരായണം ഉണ്ടാകുമെന്ന് സപ്താഹയജ്ഞ സമിതി ചെയര്‍മാന്‍ എം.എസ്. ചന്ദ്രശേഖരപിള്ള, അങ്കാളമ്മന്‍ കോവില്‍ ദേവസ്വം പ്രസിഡന്റ് ശ്രീ. കെ.സി. അറുമുഖം പിള്ള, സെക്രട്ടറി വി.വി. ബിനു, പി.പി. പ്രകാശ്, അനന്ദു ഷാജി എന്നിവര്‍ അറിയിച്ചു.