തൊടുപുഴ: 37-ാമത് ജില്ലാ പഞ്ചഗുസ്തി ചാംപ്യന്‍ഷിപ്പ് തൊടുപുഴ മുനിസിപ്പല്‍ മെതാനിയില്‍ നടന്നു. തൊടുപുഴ സിഐ എന്‍. ജി ശ്രീമോനും പ്രമുഖ വസ്ത്ര വ്യാപാരി ഔസേഫ് ജോണ്‍ പുളിമൂട്ടിലും പഞ്ചഗുസ്തി പിടിച്ച് ഉദ്ഘാടനം നിര്‍വഹിച്ചു.
അസോസിയേഷന്‍ ജില്ലാ പ്രസിഡന്റ് മനോജ് കോക്കാട്ട് അധ്യക്ഷനായി. ജില്ലാ സെക്രട്ടറി ടി .ആര്‍. ജലദാസ്, അബ്ദുള്‍ സലാം, പി .കെ. ഫൈസല്‍, ജോജി ഏലൂര്‍, ജേക്കബ് ഇടുക്കി, സി. എ ഷിഹാബ് എന്നിവര്‍ സംസാരിച്ചു.
മത്സരങ്ങള്‍ ഇന്റര്‍നാഷണല്‍ റഫറി എം.ഡി റാഫേല്‍ നിയന്ത്രിച്ചു. പുരുഷന്മാര്‍ക്ക് 11 കാറ്റഗറികളിലും വനിതകള്‍ക്ക് രണ്ട് കാറ്റഗറികളിലും ജൂണിയര്‍ ആണ്‍കുട്ടികള്‍, പെണ്‍കുട്ടികള്‍, വികലാംഗര്‍ എന്നിങ്ങനെയാണ് മത്സരം നടന്നത്.