ഉടുമ്പന്നൂര്‍ : വിദ്യാര്‍ഥിത്വം നവസമൂഹ നിര്‍മിതിക്ക് എന്ന മുദ്രാവാക്യവുമായി എം.എസ്.എഫ് ഉടുമ്പന്നൂര്‍ പഞ്ചായത്ത് സമ്മേളനം ആഞ്ച്, ആറ്, ഏഴ് തിയതികളില്‍ അരിയില്‍ ഷുക്കൂര്‍ നഗറില്‍ നടത്തും. അഞ്ചിന് പതാക ദിനം ആചരിക്കും. ആറിന് ഉച്ചകഴിഞ്ഞ് രണ്ടിന് മണിക്ക് സ്റ്റാര്‍ ഓഡിറ്റോറിയത്തില്‍ പ്രതിനിധി സമ്മേളനം മുസ്‌ലിം ലീഗ് ജില്ലാ പ്രസിഡന്റ് കെ.എം.എ ഷുക്കൂര്‍ ഉദ്ഘാടനം ചെയ്യും.
പഞ്ചായത്ത് എം.എസ്.എഫ് പ്രസിഡന്റ് മന്‍സൂര്‍ സലീം അധ്യക്ഷത വഹിക്കും. ജനറല്‍ സെക്രട്ടറി അബിന്‍ റഷീദ് സ്വാഗതം ആശംസിക്കും.യൂത്ത് ലീഗ് സംസ്ഥാന സെക്രട്ടറി കെ.എസ്. സിയാദ് മുഖ്യ പ്രഭാഷണം നടത്തും.എം.എസ്.എഫ് സംസ്ഥാന വൈസ് പ്രസിഡന്റ് ഷെരീഫ് വടക്കയില്‍ മലപ്പുറം പ്രമേയ വിശദീകരണം നടത്തും.
ഏഴിന് വൈകിട്ട് നാലിന് പാറേക്കവലയില്‍ നിന്നും വിദ്യാര്‍ഥികള്‍ പങ്കെടുക്കുന്ന പ്രകടനം ഉടുമ്പന്നൂര്‍ ടൗണിലേക്ക് സംഘടിപ്പിക്കും. 5.30 ന് പാറേക്കവല അരിയില്‍ ഷുക്കൂര്‍ നഗറില്‍ നടക്കുന്ന പൊതുസമ്മേളനം മുസ്‌ലിം ലീഗ് സംസ്ഥാന സെക്രട്ടറി ടി.എം സലീം ഉദ്ഘാടനം ചെയ്യും. ജില്ലാ മുസ് ലിം ലീഗ് ജനറല്‍ സെക്രട്ടറി എം.എസ് . മുഹമ്മദ് ആമുഖ പ്രഭാഷണം നടത്തും.