പാരിപ്പള്ളി: കടമ്പാട്ടുകോണത്ത് ദേശീയപാതയില്‍ കാറും ടാങ്കര്‍ ലോറിയും കൂട്ടിയിടിച്ച് ഒരാള്‍ക്ക് ഗുരുതരമായി പരുക്കേറ്റു.
കാര്‍ ഓടിച്ചിരുന്ന തിരുവനന്തപുരം സ്വദേശി വിനോദ് മേനോനാണ്(39) പരുക്കേറ്റത്. ചൊവ്വാഴ്ച രാത്രി ഇന്ധനവുമായി തിരുവനന്തപുരത്തേക്ക് പോയ ടാങ്കര്‍ലോറി എതിരേവന്ന കാറുമായി കൂട്ടിമുട്ടുകയായിരുന്നു.
അപകടത്തില്‍ ലോറിയുടെ മുന്‍വശം തകരുകയും ഏറെനേരം ഗതാഗതം തടസപ്പെടുകയും ചെയ്തു. തുടര്‍ന്ന് കഴക്കൂട്ടത്തുനിന്ന് ക്രെയിന്‍ എത്തിച്ചാണ് ലോറി മാറ്റിയത്. പിന്നീട് എറണാകുളത്തുനിന്ന് മറ്റൊരു ടാങ്കര്‍ വരുത്തി ഇന്ധനം അതിലേക്ക് മാറ്റുകയായിരുന്നു.