ശ്രീനഗര്‍: കശ്മീരിലെ ഷോപിയാനില്‍ സൈനിക പട്രോളിനു നേരെയുടെ തീവ്രവാദികളുടെ ഒളിയാക്രമണത്തെത്തുടര്‍ന്ന് ഒരാള്‍ കൊല്ലപ്പെട്ടു. രണ്ടു സൈനികര്‍ക്ക് പരുക്കേല്‍ക്കുകയും ചെയ്തു. സ്വകാര്യ വാഹനത്തിലെ ഡ്രൈവറായ നാസിര്‍ അഹമ്മദ് ഷെയ്ക്കാണ് മരിച്ചതെന്ന് പൊലിസ് അറിയിച്ചു.

ഷോപ്പിയാനിലെ വിവിധ ഭാഗങ്ങളില്‍ തീവ്രവാദികള്‍ക്കായുള്ള തെരച്ചില്‍ നടത്തി മടങ്ങുമ്പോഴാണ് സൈനിക വാഹനത്തിനുനേരെ ആക്രമണമുണ്ടായത്.

ഉടന്‍ തന്നെ സൈന്യം ശക്തമായി തിരിച്ചടിച്ചു. ഭീകരര്‍ ഒളിച്ചിരിക്കുന്ന സാഹചര്യത്തില്‍ പ്രദേശം വളഞ്ഞ് തെരച്ചില്‍ തുടരുകയാണെന്ന് പ്രതിരോധ വക്താവ് അറിയിച്ചു.