വെഞ്ഞാറമൂട്: ശിവപാര്‍വതി കള്‍ച്ചറല്‍ ട്രസ്റ്റിന്റെ പ്രഥമ ചിലങ്കാ കാവാലം പുരസ്‌കാരത്തിന് നടന്‍ നെടുമുടി വേണുവിനെ തിരഞ്ഞെടുത്തതായി സംഘാടകസമിതി അറിയിച്ചു. 10,001 രൂപയും പ്രശസ്തിപത്രവും ശില്‍പ്പവും അടങ്ങുന്നതാണ് പുരസ്‌കാരം. നാളെ വൈകിട്ട് ആറിന് വെഞ്ഞാറമൂട്ടില്‍ നടക്കുന്ന ചടങ്ങില്‍  കാവാലത്തിന്റെ ഭാര്യ ശാരദാമണി നാരായണപ്പണിക്കര്‍ പുര സ്‌കാരം സമ്മാനിക്കും. ഡോ. പ്രിയ എസ്. നായര്‍, ഡോ. അച്യുത് ശങ്കര്‍, അശോക് ശശി എന്നിവര്‍ ഉള്‍പ്പെട്ട സമിതിയാണ് പുരസ്‌കാരജേതാവിനെ തിരഞ്ഞെടുത്തത്.