ശാസ്താംകോട്ട: മൈനാഗപ്പള്ളി ഗ്രാമപഞ്ചായത്ത് വെട്ടിക്കാട്ട് ഏലായിലെ 200 ഏക്കര്‍ തരിശുഭൂമിയില്‍ കൃഷി നടത്തി വിളവെടുപ്പു നടത്തി.
 ഇരുപത്തഞ്ചോളം വര്‍ഷമായി കാടുകയറി തരിശായി കിടന്ന ഇവിടെ എള്ളും പയറുമാണ് കൃഷി ചെയ്തത്.
ഗ്രാമപഞ്ചായത്തും കൃഷിഭവനും ചേര്‍ന്നാണ് പദ്ധതി നടപ്പാക്കിയത്. എള്ളു കൃഷിയുടെ വിളിവെടുപ്പ് വാര്‍ഡ് മെമ്പര്‍ ടി. മോഹനനും പയറു കൃഷിയുടെ വിളിവെടുപ്പ് കൃഷി ഓഫിസര്‍ സോണിയയും നിര്‍വഹിച്ചു.
യോഗത്തില്‍ വാര്‍ഡ് മെമ്പര്‍ മുരളീധരന്‍ പിള്ള, ബിജു, വിജയന്‍, ശങ്കരനാരായണ പിള്ള, കുഞ്ഞുമോന്‍, റഹീം, വിദ്യാധരന്‍, കെ.സി ദാസ് സംസാരിച്ചു.