ആലുവ. കീഴ്മാട് മുള്ളംകുഴി വെളിച്ചം സാധുജന ചാരിറ്റബിള്‍ ട്രസ്റ്റ് സംസ്‌ക്കാരിക സമ്മേളനവും നിര്‍ദ്ധനരായ വിദ്യാര്‍ഥികള്‍ക്ക് പഠനോപകരണ വിതരണവും നടത്തി. അന്ധവിദ്യാലയം ഹാളില്‍ നടന്ന സമ്മേളനം വാഴക്കുളം ബ്ലോക്ക് പഞ്ചായത്ത് പ്രസിഡന്റ് മുംതാസ് അഷറഫ് ഉദ്ഘാടനം ചെയ്തു.  പഞ്ചായത്തംഗം കെ.എം. അബു അദ്ധ്യക്ഷത വഹിച്ചു. കീഴ്മാട് പഞ്ചായത്ത് പ്രസിഡന്റ് കെ.എ. രമേശ് മുഖ്യാതിഥിയായിരുന്നു. ബ്ലോക്ക് വൈസ് പ്രസിഡന്റ് രമേശന്‍ കാവലന്‍, എം,ഐ. ഇസ്മായില്‍, എം.യു. പ്രമേഷ്, കെ.ജെ.ഹരിദാസ്, അയ്‌സി.എ. അന്‍സാര്‍, നൗഷാദ് തുരുത്ത് എന്നിവര്‍ സംസാരിച്ചു. ട്രസ്റ്റ് പ്രസിഡന്റ് എം.എം. സുധീര്‍ സ്വാഗതവും, സെക്രട്ടറി രാജേഷ് രാജി നിവാസ് നന്ദിയും പറഞ്ഞു.