ആലപ്പുഴ: ആലപ്പുഴ നഗരത്തിലെയും സമീപത്തെ എട്ട് പഞ്ചായത്തുകളിലെയും ജനങ്ങള്‍ പ്രതീക്ഷയോടെ കാത്തിരുന്ന ആലപ്പുഴ കുടിവെള്ള പദ്ധതിയുടെ ഉദ്ഘാടനം നാളെ വൈകുന്നേരം നാലുമണിക്ക് ആലപ്പുഴ ടൗണ്‍ ഹാള്‍ അങ്കണത്തില്‍ മുഖ്യമന്ത്രി പിണറായി വിജയന്‍ നിര്‍വഹിക്കും.
മന്ത്രി മാത്യു ടി. തോമസ് അധ്യക്ഷത വഹിക്കുന്ന ചടങ്ങില്‍ മന്തിമാരായ ജി. സുധാകരന്‍, ഡോ. ടി.എം. തോമസ് ഐസക്, കെ.ടി. ജലീല്‍, കെ.സി. വേണുഗോപാല്‍ എം.പി എന്നിവര്‍ മുഖ്യപ്രഭാഷണം നടത്തും. നഗരസഭാ ചെയര്‍മാന്‍ തോമസ് ജോസഫ് ഉപഹാരം സമര്‍പ്പിക്കും. ജില്ലാ പഞ്ചായത്ത് പ്രസിഡന്റ് ജി. വേണുഗോപാല്‍, ജലവിഭവ വകുപ്പുസെക്രട്ടറി ടിങ്കു ബിസ്വാള്‍, കെ.എസ്.യു.ഡി.പി. പ്രോജക്ട് ഡയറക്ടര്‍ പി.എസ്. മുഹമ്മദ് സാഗിര്‍ , കലക്ടര്‍ വീണ എന്‍. മാധവന്‍, എ. ഷൈനാമോള്‍, ടി. രവീന്ദ്രന്‍,  ബീന കൊച്ചുബാവ, നഗരസഭാംഗങ്ങള്‍, വാട്ടര്‍ അതോറിട്ടി മധ്യമേഖല ചീഫ് എന്‍ജിനിയര്‍ എച്ച്.ജലാലുദ്ദീന്‍ എന്നിവര്‍ പ്രസംഗിക്കും.