പാലക്കാട്: നാളെ നടക്കുന്ന എസ്.ടി.യു. 60ാം വാര്‍ഷികാഘോഷ ത്തോടനുബന്ധിച്ചുള്ള പൊതുസമ്മേളനത്തില്‍ പങ്കെടുക്കാനായി കണ്ണൂര്‍, കോഴിക്കോട്, മഞ്ചേരി, മണ്ണാര്‍ക്കാട്, പെരിന്തല്‍മണ്ണ ഭാഗങ്ങളില്‍നിന്ന് നാഷണല്‍ഹൈവേ 966ല്‍ കൂടി വരുന്ന വാഹനങ്ങള്‍ വിക്ടോറിയ കോളജിന് സമീപത്തുനിന്നും ബൈപ്പാസിലൂടെ കല്‍മണ്ഡപം വഴി സ്റ്റേഡിയം ബൈപ്പാസ് റോഡിലുള്ള സ്റ്റേഡിയത്തിന് സമീപവും, തൃശൂര്‍, ഒറ്റപ്പാലം, ചിറ്റൂര്‍ ഭാഗങ്ങളില്‍നിന്ന് വരുന്ന വാഹനങ്ങള്‍ നൂറണി ജങ്ഷന്‍, കെ.എസ്.ആര്‍.ടി.സി, ബി.ഇ.എം സ്‌കൂള്‍ ജങ്ഷന്‍ വഴി മഞ്ഞക്കുളം പള്ളിക്കു സമീപവും എത്തി പ്രവര്‍ത്തകരെ ഇറക്കേണ്ടതാണ്.
വാഹനങ്ങളില്‍നിന്ന് ഇറങ്ങുന്ന പ്രവര്‍ത്തകര്‍ ചെറു സംഘങ്ങളായി വാഹനങ്ങള്‍ക്കും പൊതുജനങ്ങള്‍ക്കും മാര്‍ഗതടസ്സമുണ്ടാക്കാത്ത വിധം കാല്‍നടയായി കോട്ടമൈതാനിയില്‍ സജ്ജമാക്കിയിട്ടുള്ള ഇ.എസ്.എം ഹനീഫ ഹാജി നഗറില്‍ എത്തിച്ചേരണമെന്ന് സംഘാടകര്‍ അറിയിച്ചു. പൊതുയോഗം വൈകിട്ട് കൃത്യം അഞ്ചു മണിക്ക് തന്നെ ആരംഭിക്കുമെന്നും സ്വാഗതസംഘം ഭാരവാഹികള്‍ വ്യക്തമാക്കി.