കല്‍പ്പറ്റ: ജില്ലാ കോണ്‍ഗ്രസ് കമ്മിറ്റി ജനറല്‍ ബോഡി യോഗം കെ.പി.സി.സി പ്രസിഡന്റ് എം.എം ഹസന്‍ ഉദ്ഘാടനം ചെയ്തു.
 ജില്ലാതല മെംബര്‍ഷിപ്പ് വിതരണം മില്‍മ ചെയര്‍മാന്‍ പി.ടി ഗോപാലകുറുപ്പിന് നല്‍കികൊണ്ട് അദ്ദേഹം വിതരണോദ്ഘാടനവും നിര്‍വഹിച്ചു. കര്‍ഷകര്‍ നേരിടുന്ന പ്രതിസന്ധികള്‍ എല്‍.ഡി.എഫ് സര്‍ക്കാരിന്റെ ഇരട്ടത്താപ്പ് നയമാണെന്നും കേരളത്തിന്റെ സ്വപ്ന പദ്ധതിയായ നിലമ്പൂര്‍-നഞ്ചന്‍ഗോഡ് റെയില്‍വെ വികസനത്തിലും മുഖ്യമന്ത്രി അനാസ്ഥ കാണിക്കുകയാണെന്നും ഇതിനെതിരെ ശക്തമായ സമരപരിപാടികള്‍ സംഘടിപ്പിക്കുമെന്നും അദ്ദേഹം കൂട്ടിച്ചേര്‍ത്തു. ഡി.സി.സി പ്രസിഡന്റ് ഐ.സി ബാലകൃഷ്ണന്‍ എം.എല്‍.എ അധ്യക്ഷനായി.
 ജില്ലയില്‍ ബൂത്ത് തലത്തില്‍ ഒരു ലക്ഷം പ്രവര്‍ത്തകര്‍ക്ക് മെംബര്‍ഷിപ്പ് വിതരണം നടത്തി സംഘടനാ സംവിധാനം കൂടുതല്‍ കാര്യക്ഷമമാക്കാന്‍ യോഗം തീരുമാനിച്ചു.