കുറ്റ്യാടി: ആദിവാസി വിദ്യാര്‍ഥികള്‍ക്കായി എസ്. എഫ്.ഐയുടെ നേതൃത്വത്തില്‍ പഠനകൂട്ടായ്മയും പഠനോപകരണ വിതരണവും സംഘടിപ്പിക്കുന്നു.  ഇന്നും നാളെയുമായി മരുതോങ്കര ചോലനായിക്കര്‍ കോളനിയിലാണ് കൂട്ടായ്മ.
ഒന്നു മുതല്‍ 10 വരെ ക്ലാസുകളില്‍ പഠിക്കുന്ന കുട്ടികളാണ് കൂട്ടായ്മയില്‍ പങ്കെടുക്കുക. ഇന്ന് രാവിലെ പത്തിന് സി.കെ ശശീന്ദ്രന്‍ എം.എല്‍.എ പരിപാടി ഉദ്ഘാടനം ചെയ്യും.
ട്രൈബല്‍ വിഭാഗം എക്‌സിക്യൂട്ടിവ് ഡയറക്ടര്‍ ഇ.ജെ ജോസ്, ആദിവാസി ക്ഷേമ സിമിതിയുടെ നേതാവ് ശങ്കരന്‍ എന്നിവര്‍ ക്ലാസെടുക്കും. സി.പി.എം ജില്ലാ സെക്രട്ടറി പി. മോഹനന്‍ മാസ്റ്റര്‍, എസ്.എഫ്.ഐ സംസ്ഥാന സെക്രട്ടറി എം. വിജിന്‍, ഡി.വൈ.എഫ്.ഐ ജില്ലാ സെക്രട്ടറി പി നിഖില്‍ പങ്കെടുക്കും.