കരുനാഗപ്പള്ളി: കാര്‍ഷിക വികസന കര്‍ഷക ക്ഷേമ വകുപ്പ് കുലശേഖരപുരം ഗ്രാമ പഞ്ചായത്ത് ഒക്റ്റാക്ക് മൂല്യവര്‍ധിത ഉല്‍പ്പന്ന പ്ലാന്റ് ഉദ്ഘാടനവും ഓണാട്ടുകര എള്ളെണ്ണ, ആദിനാട് വെളിച്ചെണ്ണ എന്നിവയുടെ വിപണന ഉദ്ഘാടനവും ഇന്ന് വൈകിട്ട് നാല് മണിക്ക് പുളിക്കാമഠം ക്ഷേത്രത്തിന് സമീപം നടക്കും.  പ്ലാന്റിന്റെ ഉദ്ഘാടനം കാര്‍ഷിക വികസന ക്ഷേമ വകുപ്പ് മന്ത്രി വി.എസ്.സുനില്‍കുമാറും, വിപണന ഉദ്ഘാടനം തദ്ദേശ സ്വയംഭരണ ഗ്രാമവികസന വകുപ്പ് മന്ത്രി കെ.റ്റി.ജലീലും നിര്‍വ്വഹിക്കും. മികച്ച ജൈവ കാര്‍ഷിക പഞ്ചായത്തിനുള്ള അവാര്‍ഡ് തുക കെ.സി.വേണുഗോപാല്‍ എം.പി. വിതരണം ചെയ്യും. ആര്‍.രാമചന്ദ്രന്‍ എം.എല്‍.എ.അധ്യക്ഷത വഹിക്കും. ഗ്രാമ പഞ്ചായത്ത് പ്രസിഡന്റ് ശ്രീലേഖാകൃഷ്ണകുമാര്‍, അശോക് കുമാര്‍ തെക്കന്‍, ബ്ലോക്ക് പഞ്ചായത്ത് പ്രസിഡന്റ് ഷെര്‍ളി ശ്രീകുമാര്‍, കൃഷി ഓഫീസര്‍ ബിനീഷ് പങ്കെടുക്കും.