വള്ളിക്കുന്ന്: ബൈക്കില്‍ സഞ്ചരിക്കുകയായിരുന്ന ദമ്പതികളെ അക്രമിച്ചു കൊലപ്പെടുത്താന്‍ ശ്രമം. കടലുണ്ടിക്കടവ് പാലത്തില്‍ ഇന്നലെ രാവിലെ ഒന്‍പതോടെയാണ് സംഭവം. ദമ്പതികള്‍ ചാലിയം കപ്പലങ്ങാടി സ്വദേശികളാണ്.
അക്രമത്തിനിടെ ദമ്പതികളുടെ നിലവിളി കാരണം പ്രദേശവാസികള്‍ എത്തിയപ്പോഴേക്കും അക്രമികള്‍ രക്ഷപ്പെടുകയായിരുന്നു. സംഭവത്തെ തുടര്‍ന്നു പരപ്പനങ്ങാടി പൊലിസ് സ്ഥലത്തെത്തി. കുടുംബ പ്രശ്‌നമാണ് അക്രമത്തിനു കാരണമെന്നാണ് പൊലിസ് പറയുന്നത്. സംഭവസ്ഥലത്തുനിന്നു കിട്ടിയ കത്തിയും ബൈക്കും പൊലിസ് കസ്റ്റഡിയിലെടുത്തു.