ന്യൂഡല്‍ഹി: സസ്‌പെന്‍ഷനിലായ ശിരോമണി അകാലിദള്‍ എം.എല്‍.എ പ്രഗത് സിങ് പാര്‍ട്ടിയിലേക്കെന്നു സൂചന.പാര്‍ട്ടി നേതൃത്വവുമായുള്ള അഭിപ്രായ വ്യത്യാസത്തെതുടര്‍ന്നാണ് പ്രഗത് സിങ് സസ്‌പെന്‍ഷനിലായത്.

മുന്‍ ഇന്ത്യന്‍ ഹോക്കി ടീം ക്യാപ്റ്റന്‍ കൂടിയായ പ്രഗത് സിങ് തന്റെ മണ്ഡലത്തിലെ ഒരു പ്രൊജക്ടിനായി അകാലി ഗവര്‍ണന്‍മെന്റിനു മുന്‍പില്‍ ആവശ്യമുന്നയിച്ചിരുന്നു. എന്നാല്‍ പ്രൊജക്ടിനെ പാര്‍ട്ടി നേതൃത്വം എതിര്‍ത്തു. ഇതോടെ പാര്‍ട്ടിക്കെതിരെ പ്രഗത് സിങ് പരസ്യമായി രംഗത്തുവന്നിരുന്നു.

കഴിഞ്ഞ ദിവസം ബി.ജെ.പി എംപിയായ നവജോത് സിങ് സിദ്ദു രാജ്യസഭാംഗം രാജിവെച്ച് ആംആദ്മിയില്‍ ചേരുന്നതായി വാര്‍ത്തകള്‍ വന്നിരുന്നു. ഇതിനു പുറകെയാണ് പ്രഗത് സിങും ആപ്പില്‍ ചേരുന്നതായുള്ള റിപ്പോര്‍ട്ടുകള്‍ പുറത്തുവരുന്നത്.