ജിദ്ദ: സഊദിയിലെ തായിഫിന് സമീപം അത്തീഫിലുണ്ടായ വാഹനാപകടത്തില്‍ മലയാളി യുവാവ് മരിച്ചു. തിരുവനന്തപുരം പാലോട് സ്വദേശി അന്‍വര്‍ അബ്ബാസാ(40)ണ് മരിച്ചത്.

അന്‍വര്‍ അബ്ബാസിന്റെ വാഹനം മറ്റൊരു വാഹനത്തിലിടിച്ചാണ് അപകടമുണ്ടായത്. സംഭവസ്ഥലത്തുവച്ചു തന്നെ മരണം സംഭവിച്ചു.

പത്തുവര്‍ഷത്തോളമായി ജിദ്ദയില്‍ ജോലി ചെയ്തുവരികയാണ്. ഇന്നലെ വൈകിട്ട് ഏഴരയോടെയായിരുന്നു അപകടം. മൃതദേഹം താഇഫ് കിംഗ് ഫൈസല്‍ ആശുപത്രി മോര്‍ച്ചറിയില്‍. ഭാര്യയും രണ്ട് പെണ്‍മക്കളുമുണ്ട്.