റിയാദ്: രൂപയുടെ മൂല്യം വര്‍ധിക്കുന്നത് പ്രവാസികള്‍ക്ക് തിരിച്ചടിയാവുന്നു.
ഒരു മാസത്തിലേറെയായി രൂപയുടെ മൂല്യം കൂടിവരുന്നത് മൂലം ഗള്‍ഫിലെ വിനിമയ നിരക്കില്‍ ഗണ്യമായ കുറവാണ് സംഭവിച്ചിരിക്കുന്നത്. ഡോളറുമായി ഇന്ത്യന്‍ രൂപയുടെ മൂല്യം കഴിഞ്ഞ രണ്ടണ്ടു വര്‍ഷത്തിനിടയിലെ ഏറ്റവും മികച്ച നിലയിലാണ്.
സഊദിയില്‍ കഴിഞ്ഞ രണ്ടു വര്‍ഷത്തോളമായി രൂപയുടെ മൂല്യം കുറഞ്ഞിരുന്നതിനാല്‍ റിയാലിന് ഉയര്‍ന്ന നിരക്കാണ് ലഭിച്ചിരുന്നത്.
ഒരു ഘട്ടത്തില്‍ ഒരു സഊദി റിയാലിന് 18:50 ഇന്ത്യന്‍ രൂപ വരെ ലഭിച്ചിരുന്ന സ്ഥാനത്തിപ്പോള്‍ ഒരു രൂപയിലധികം ഇടിവാണ് ഉണ്ടായിരിക്കുന്നത്. രൂപയുടെ മൂല്യം ഇനിയും ഇടിയുമെന്നു പ്രതീക്ഷിച്ച് മാസങ്ങളായി പണം അയയ്ക്കാതെ കാത്തിരുന്നവര്‍ ഇതോടെ വെട്ടിലായിരിക്കുകയാണ്.
ഒരു റിയാലിന് 17 രൂപയില്‍ താഴെയായിരുന്നു കഴിഞ്ഞ ദിവസം ലഭിച്ചത്.