ജിദ്ദ: ഹജ്ജ് കര്‍മങ്ങള്‍ പൂര്‍ത്തിയാക്കിയ ഹാജിമാരുടെ മടക്കയാത്രയ്ക്ക് തുടക്കമായി.
മദീന സന്ദര്‍ശനം നേരത്തേ പൂര്‍ത്തിയാക്കിയ ഹാജിമാരാണ് മടങ്ങുന്നത്. എന്നാല്‍ മദീന സന്ദര്‍ശിക്കാത്തവര്‍ ഇവിടേക്കുള്ള യാത്രയിലാണ്.
ഹജ്ജ് കര്‍മങ്ങള്‍ പൂര്‍ത്തിയാക്കിയ ശേഷം വിടവാങ്ങള്‍ ത്വവാഫിനായി ഹാജിമാര്‍ കഴിഞ്ഞ ദിവസം മുതല്‍ മക്കയിലെത്തിക്കൊണ്ടിരിക്കുകയാണ്. മടക്കയാത്രയ്ക്കായി ജിദ്ദയില്‍ നിന്നുള്ള വിമാന സര്‍വിസുകള്‍ കഴിഞ്ഞ ദിവസം മുതല്‍ ആരംഭിച്ചു.
മദീനയില്‍നിന്നുള്ള സര്‍വിസുകള്‍ വെള്ളിയാഴ്ച ആരംഭിക്കും. ആറുലക്ഷത്തോളം തീര്‍ഥാടകര്‍ മദീനയില്‍ നിന്നും എട്ടുലക്ഷത്തില്‍പ്പരം തീര്‍ഥാടകര്‍ ജിദ്ദയില്‍ നിന്നും സ്വദേശത്തേക്ക് മടങ്ങും. തീര്‍ഥാടകര്‍ക്കാവശ്യമായ സംസം വെള്ളം നേരത്തെ കയറ്റി വിട്ടിരുന്നു.