കൊച്ചി: തമിഴ് സിനിമാ താരം രജനീകാന്തിന്റെ മുഖം ആവരണം ചെയ്ത വെള്ളി കോയിന്‍ കച്ചവടം പൊടിപൊടിക്കുന്നു. മുത്തൂറ്റ് ഫിന്‍കോര്‍പ്പാണ് രജനീകാന്തിയുടെ പുതിയ ചിത്രമായ കബാലിയിലെ മുഖചിത്രം ആവരണം ചെയ്ത് കോയിന്‍ പുറത്തിറക്കിയത്. ഇതുവരെ 20 കിലോ ഗ്രാം വെള്ളി കോയിനുകളാണ് രജനീകാന്ത് ഫാന്‍സ് ബുക്ക് ചെയ്തത്.

കബാലിയുടെ അസോസിയേറ്റ് സ്‌പോണ്‍സര്‍ കൂടിയായ മുത്തൂറ്റ്, 'ലക്കി സൂപ്പര്‍ സ്റ്റാറിനെ നിങ്ങളോടൊപ്പം കൂട്ടൂ' എന്ന ആപ്തവാക്യത്തോടെയാണ് കോയിന്‍ ഇറക്കിയത്. മുത്തൂറ്റിന്റെ 3800 ബ്രാഞ്ചുകളിലും കോയിന്‍ ലഭ്യമാണ്. അഞ്ച്, 10, 20 ഗ്രാമുകളിലുള്ള കോയിനുകളും 10 ഗ്രാമിന്റെ പതക്കവുമാണ് വിപണിയിലുള്ളത്.

കോയിന്‍ കൂടാതെ, കബാലി ടി ഷര്‍ട്ട്, മൊബൈല്‍ പൗച്ചസ്, ത്രി ഡി പോസ്റ്ററുകള്‍ തുടങ്ങിയ നിരവധി സാധനങ്ങളും പുറത്തിറിക്കിയിട്ടുണ്ട്.