ഓമശ്ശേരി: പ്രമുഖ സ്വാതന്ത്ര്യ സമര സേനാനിയും പണ്ഡിതനുമായിരുന്ന പാലക്കാംതൊടിക അബൂബക്കര്‍ മുസ്‌ലിയാരുടെ ജീവചരിത്ര ഗ്രന്ഥം 28 ന് ഉച്ചക്ക് രണ്ട് മണിക്ക് പുത്തൂര്‍ ഗവ.യു.പി സ്‌കൂളില്‍ വച്ച് എം.പി അബ്ദുസ്സമദ് സമദാനി പ്രകാശനം ചെയ്യും.
തുടര്‍ന്ന് 'പാലക്കാംതൊടിക അബൂബക്കര്‍ മുസ്‌ലിയാരും കോഴിക്കോട് താലൂക്കിലെ സ്വാതന്ത്ര്യ സമരവും' എന്ന ശീര്‍ഷകത്തില്‍ ചരിത്ര സെമിനാറും നടക്കും. എം.കെ രാഘവന്‍ എം.പി, ഡോ. കെ.കെ.എന്‍ കുറുപ്പ്, മുസ്തഫ മാസ്റ്റര്‍ മുണ്ടുപാറ,നാസര്‍ ഫൈസി കൂടത്തായി, അഡ്വ. ഓണമ്പിള്ളി മുഹമ്മദ് ഫൈസി, ഡോ. ഹുസൈന്‍ രണ്ടത്താണി, പി.എ റഷീദ്, പ്രൊഫ. സൈതാലി പട്ടാമ്പി, യു.കെ അബ്ദുല്‍ ലത്വീഫ് മൗലവി, ഒ.പി അബ്ദുസ്സലാം മൗലവി, ഡോ:ഐ.പി.അബ്ദുസ്സലാം സുല്ലമി, അബൂബക്കര്‍ ഫൈസി മലയമ്മ പങ്കെടുക്കും.
ഡോ. മോയിന്‍ ഹുദവി മലയമ്മയാണ് ഗ്രന്ഥ കര്‍ത്താവ്. പരിപാടിയുടെ സ്വാഗതസംഘം ഭാരവാഹികളായി എം.ടി അവുദ ഹാജി (ചെയര്‍മാന്‍), പി.പി അഹമ്മദ് കുട്ടി, പി. മൂസ ഹാജി, പി. മുഹമ്മദ് ഹാജി, പി.സി മൂസ(വൈ. ചെയര്‍മാന്‍), എം.ടി നിസാര്‍ (ജന. കണ്‍വീനര്‍), എം. ഹുസൈന്‍, വി.പി സുലൈമാന്‍ ഹാജി, കെ.പി സൈനുദ്ദീന്‍ മാസ്റ്റര്‍, പി.കെ അലി, പി. മന്‍സൂര്‍ (ജോ. കണ്‍വീനര്‍), പി. അബ്ദുല്‍ നാസര്‍ (ട്രഷറര്‍) എന്നിവരെ തെരഞ്ഞെടുത്തു.