കോഴിക്കോട്: മന്ത്രി എത്തുമ്പോള്‍ നൂറുകണക്കിനു വിദ്യാര്‍ഥികള്‍ ദുരിതാശ്വാസ ക്യാംപുകളിലേക്കുള്ള ഭക്ഷണക്കിറ്റുകള്‍ തലയിലേറ്റി നീങ്ങുന്നു. ഒട്ടും താമസിച്ചില്ല, മന്ത്രിയും അരിച്ചാക്ക് തലയിലേറ്റി വാഹനത്തിനടുത്തേക്ക്...
കോഴിക്കോട് മാനാഞ്ചിറ ബി.ഇ.എം സ്‌കൂളിലെ ഭക്ഷണസാധനങ്ങളുടെ സംഭരണ വിതരണ കേന്ദ്രത്തില്‍ ഗതാഗത മന്ത്രി എ.കെ ശശീന്ദ്രന്‍ എത്തിയപ്പോഴാണ് വിദ്യാര്‍ഥികള്‍ ദുരിതബാധിതര്‍ക്കുള്ള ഭക്ഷണക്കിറ്റുകള്‍ തലച്ചുമടായി കടത്തുന്നത്. കുട്ടികളുടെ സേവനംകണ്ട് മന്ത്രിയും ഊര്‍ജസ്വലനായി. ഉടന്‍ ഒരു ചാക്കും തലയിലേറ്റി കളക്ഷന്‍ റൂമിലേക്കു നടന്നു. രാവിലെ മുതല്‍ സേവനനിരതരായ വിദ്യാര്‍ഥികള്‍ക്ക് ആവേശം നല്‍കുന്നതായിരുന്നു മന്ത്രിയുടെ പ്രവൃത്തി.