വടകര: പ്രളയം ദുരിതംവിതച്ച തൃശൂര്‍ ചാലക്കുടിയിലെ കാടുകുറ്റി പഞ്ചായത്തിലെ വീടുകള്‍ പുനരുദ്ധരിക്കാന്‍ ഊരാളുങ്കല്‍ സൊസൈറ്റി സംഘമെത്തി. പ്രസിഡന്റ് പാലേരി രമേശനും സെക്രട്ടറി ഷാജുവും നേരിട്ടാണ് പ്രവര്‍ത്തനങ്ങള്‍ക്ക് നേതൃത്വം നല്‍കുന്നത്. ഇന്നലെ മാത്രം സംഘം 650 വീടുകളുടെ അറ്റകുറ്റപ്പണികള്‍ നടത്തി. ഇലക്ട്രിക്കല്‍, മരപ്പണി, വെള്ളം ചീറ്റിയുള്ള ശുചീകരണ പ്രവര്‍ത്തനങ്ങള്‍ എന്നിവയാണ് സംഘം നടത്തുന്നത്. ചാലക്കുടി എം.എല്‍.എ ദേവസ്യയും സ്ഥലത്തെത്തിയിരുന്നു.