മട്ടന്നൂര്‍: കണ്ണൂര്‍ രാജ്യാന്തര വിമാനത്താവളത്തില്‍ 20 ലക്ഷത്തിന്റെ ഹാഷിഷുമായി കൊല്ലം സ്വദേശി പിടിയില്‍. കൊല്ലം കൊട്ടാരക്കര ആലുംമൂട്ടില്‍ ഹൗസില്‍ എസ്. ഷബിന്‍ ഷായെയാണ് ദോഹയിലേക്ക് ഹാഷിഷ് ഓയില്‍ കടത്തുന്നതിനിടെ കസ്റ്റംസ് പിടികൂടിയത്.
ഒരുകിലോ ഭാരംവരുന്ന ഹാഷിഷ് ഓയിലാണ് ഞായറാഴ്ച രാത്രി വിമാനത്താവളത്തിലെ സി.ഐ.എസ്.എഫ് പിടികൂടിയത്. രാത്രി 7.25ന് ഇന്‍ഡിഗോ വിമാനത്തില്‍ ദോഹയിലേക്ക് പോകുന്നതിന് എത്തിയതായിരുന്നു ഷബിന്‍ ഷാ.
ഷൂസിനുള്ളില്‍ ഒളിപ്പിച്ചുവച്ച നിലയിലായിരുന്നു ഹാഷിഷ്. പ്രതിയെ മട്ടന്നൂര്‍ കോടതി റിമാന്‍ഡ് ചെയ്തു.