മാഡ്രിഡ്: കരീം ബെന്‍സേമയുടെ ഹാട്രിക്കിന്റെ കരുത്തില്‍ റയല്‍ മാഡ്രിഡിന് ജയം. കഴിഞ്ഞ ദിവസം നടന്ന മത്സരത്തില്‍ എതിരില്ലാത്ത മൂന്ന് ഗോളുകള്‍ക്കാണ് റയല്‍ മാഡ്രിഡ് അത്‌ലറ്റികോ ബില്‍ബാവോയെ പരാജയപ്പെടുത്തിയത്. മത്സരത്തിന്റെ ആദ്യ പകുതി ഗോള്‍ രഹിതമായിരുന്നു. രണ്ടാം പകുതിക്ക് ശേഷമായിരുന്നു ബെന്‍സേമയുടെ മൂന്ന് ഗോളുകളും പിറന്നത്. 47, 76, 90 മിനുട്ടുകളിലായിരുന്നു ബെന്‍സേമയുടെ ഗോളുകള്‍. ഇതോടെ 33 മത്സരങ്ങളില്‍ നിന്ന് റയലിന് 64 പോയിന്റായി. രണ്ടാം സ്ഥാനത്തുള്ള അത്‌ലറ്റികോ മാഡ്രിഡുമായി റയലിന് നാല് പോയിന്റിന്റെ വ്യത്യാസം മാത്രമേ ഉള്ളൂ. മറ്റൊരു മത്സരത്തില്‍ വിയ്യാറയല്‍ 2-1ന് ലഗാനസിനെ പരാജയപ്പെടുത്തി. 2-1 എന്ന സ്‌കോറിന് വലന്‍സിയ റയല്‍ ബെറ്റിസിനേയും പരാജയപ്പെടുത്തി. കിരീടത്തിലേക്ക് അടുത്തു കൊണ്ടിരിക്കുന്ന ബാഴ്‌സലോണ ഇന്ന് രാത്രി അലാവെസിനെ നേരിടും. ഒരു മണിക്കാണ് മത്സരം.