പാറശാല: വീടിന് മുന്നില്‍ ഒതുക്കി നിര്‍ത്തിയിരുന്ന മാധ്യമ പ്രവര്‍ത്തകന്റെയും ബന്ധുവിന്റെയും കാറുകള്‍ അര്‍ദ്ധരാത്രിയില്‍ സാമൂഹ്യ വിരുദ്ധര്‍ അടിച്ചു തകര്‍ത്തു.
പാറശാലയിലെ മാധ്യമം പത്രത്തിന്റെ ലേഖകനായ കൊറ്റാമം ചെറുവട്ടൂര്‍ പൊറ്റയില്‍ താമസിക്കുന്ന ചന്ദ്രകുമാറിന്റെ കെ.എല്‍ 10 ക്യൂ 3600 നമ്പരിലുള്ള സാണ്‍ട്രോ കാറും ഇതിന് സമീപത്തായി ഒതുക്കി നിര്‍ത്തിയിരുന്ന ചന്ദ്രകുമാറിന്റെ ബന്ധു സജിത് ദേവിന്റെ കെ.എല്‍ 19 ഡി 989 നമ്പരിലുള്ള സ്വിഫ്റ്റ് കാറിന്റെയും ഗ്ലാസുകളാണ് ഇരുളിന്റെ മറവില്‍ അടിച്ച് തകര്‍ത്തത്.ഞായറാഴ്ച പുലര്‍ച്ചെ ഒന്നരയോടെയാണ് സംഭവം നടന്നത്. കാറിന്റെ ഗ്ലാസ്സുകള്‍ അടിച്ച് തകര്‍ത്ത ശബ്ദം കേട്ട് വീട്ടുകാര്‍ പുറത്തിറങ്ങി നോക്കിയപ്പോഴേക്കും രണ്ട് ബൈക്കുകളിലായി എത്തിയ നാലംഗ സംഘം രക്ഷപ്പെടുകയായിരുന്നു. പാറശാല പൊലിസില്‍ പരാതി നല്‍കി.