കല്‍പ്പറ്റ: പത്തനംതിട്ട ജില്ലയിലെ കോന്നിയില്‍ പ്രവര്‍ത്തിക്കുന്ന കൗണ്‍സില്‍ ഫോര്‍ ഫുഡ് റിസര്‍ച്ച് ആന്റ് ഡെവലപ്‌മെന്റിന്റെ നിയന്ത്രണത്തിലുള്ള ഫുഡ് മോണിട്ടറിങ്ങ് ലാബിലെ കെമിക്കല്‍ ഡിവിഷനിലേക്ക് 25000 രൂപ പ്രതിമാസ വേതന നിരക്കില്‍ സീനിയര്‍ അനലിസ്റ്റിനെ കരാര്‍ അടിസ്ഥാനത്തില്‍ നിയമിക്കുന്നു. യോഗ്യത: കെമിസ്ട്രി, ബയോ കെമിസ്ട്രി വിഷയത്തില്‍ 50 ശതമാനത്തില്‍ കുറയാത്ത മാര്‍ക്കും ഏതെങ്കിലുമൊരു അംഗീകൃത ഫുഡ് അനാലിസിസ് ലാബില്‍ മൂന്നു വര്‍ഷത്തെ പ്രവൃത്തി പരിചയവും. ഉയര്‍ന്ന യോഗ്യതയുള്ളവര്‍ക്ക് മുന്‍ഗണന. താല്‍പര്യമുള്ള ഉദ്യോഗാര്‍ഥികള്‍ ഈമാസം 30ന് രാവിലെ 11ന് കോന്നി സി.എഫ്.ആര്‍.ഡി ഡയറക്ടറുടെ ഓഫിസില്‍ വെച്ച് നടത്തുന്ന വാക്-ഇന്‍-ഇന്റര്‍വ്യൂവില്‍ യോഗ്യതാ സര്‍ട്ടിഫിക്കറ്റുകള്‍ സഹിതം ഹാജരാകണം.