കക്കട്ടില്‍: ടൗണില്‍ നിന്ന് നാദാപുരം എക്‌സൈസും, ഇന്റലിജന്‍സും ചേര്‍ന്ന് 75 ലിറ്റര്‍ വിദേശമദ്യ ശേഖരം പിടികൂടി.
മത്സ്യ മാര്‍ക്കറ്റ് പരിസരത്തു നിന്നാണ് പ്ലാസ്റ്റിക് കവറുകളില്‍ സൂക്ഷിച്ച നിലയില്‍ മദ്യശേഖരം പിടികൂടിയത്. സംഭവത്തില്‍ തവിടോറേമ്മല്‍ അജിത്തിനെ (40) അബ്കാരി വകുപ്പ് പ്രകാരം അറസ്റ്റ് ചെയ്തു. തെരെഞ്ഞെടുപ്പിന്റെ പശ്ചാതലത്തില്‍ ഉദ്യോഗസ്ഥര്‍ നടത്തിയ പരിശോധനയിലാണ് മദ്യം പിടികൂടിയത്.
കക്കട്ട് ടൗണ്‍ കേന്ദ്രീകരിച്ച് വ്യാപകമായി വിദേശമദ്യ വില്‍പ്പന നടക്കുന്നതായി നേരത്തേ റിപ്പോര്‍ട്ട് ചെയ്തിരുന്നു.