കോഴിക്കോട്: ജില്ലയിലെ ഒട്ടുമിക്ക പ്രധാന സ്ഥാനാര്‍ഥികള്‍ക്കെല്ലാം തങ്ങള്‍ക്കു തന്നെ വോട്ടുരേഖപ്പെടുത്താനാകുമെങ്കിലും വടകരയിലെ യു.ഡി.എഫ് സ്ഥാനാര്‍ഥി കെ. മുരളീധരനും കോഴിക്കോട് മണ്ഡലത്തിലെ എന്‍.ഡി.എ സ്ഥാനാര്‍ഥി പ്രകാശ് ബാബുവിനും മത്സരിക്കുന്ന മണ്ഡലത്തില്‍ വോട്ട് രേഖപ്പെടുത്താനാവില്ല.
തിരുവനന്തപുരം വട്ടിയൂര്‍കാവിലാണ് കെ. മുരളീധരന്റെ വോട്ട്. എതിര്‍ സ്ഥാനാര്‍ഥിയായ പി.ജയരാജന് പാട്യം കോങ്ങാറ്റ എല്‍ .പി സ്‌കൂളിലാണ് വോട്ട്. മണ്ഡലത്തിലെ എന്‍.ഡി.എ സ്ഥാനാര്‍ഥി വി.കെ സജീവനും മണ്ഡലത്തില്‍ തന്നെയാണ് വോട്ട്. കോഴിക്കോട് മണ്ഡലം യു.ഡി.എഫ് സ്ഥാനാര്‍ഥി എം.കെ രാഘവന്‍നടുക്കോട്ടൂര്‍ മാതൃ ബന്ധു എല്‍.പി. സ്‌കൂളിലാണ് വോട്ട് രേഖപ്പെടുത്തുന്നത്. എല്‍.ഡി.എഫ് സ്ഥാനാര്‍ഥി എ. പ്രദീപ് കുമാര്‍ വെസ്റ്റ്ഹില്‍ ചുങ്കം ഗവ. യു.പി സ്‌കൂളില്‍ വോട്ട് രേഖപ്പെടുത്തും. എന്‍.ഡി.എ സ്ഥാനാര്‍ഥി അഡ്വ. പ്രകാശ് ബാബുവിന് വടകര മണ്ഡലത്തിലെ നാദാപുരം നരിപ്പറ്റ ആര്‍.എന്‍.എം ഹൈസ്‌കൂളിലാണ് വോട്ട്. ബി.ജെ.പി സംസ്ഥാന പ്രസിഡന്റ് പി.എസ് ശ്രീധരന്‍പിള്ള വോട്ട് കോഴിക്കോട് തിരുത്തിയാട് ആശ്വാസ കേന്ദ്രത്തിലെ 153ാം ബൂത്തിലാണ്. ബിനോയ് വിശ്വം എം.പിയുടെ വോട്ട് തൊണ്ടയാട് ചിന്മയ വിദ്യാലയത്തിലാണ്.