ഇലക്ട്രോണിക് വോട്ടിങ് മെഷീനും വിവിപാറ്റുമാണ് പോളിങ് കംപാര്‍ട്ട്‌മെന്റിലുണ്ടാവുക. ഇലക്ട്രോണിക് വോട്ടിങ് മെഷീന് രണ്ടു ഭാഗങ്ങളാണുള്ളത്. ബാലറ്റ് യൂനിറ്റും കണ്‍ട്രോള്‍ യൂനിറ്റും. വയനാട് ലോക്‌സഭാ മണ്ഡലത്തില്‍ 20 പേര്‍ മത്സരിക്കുന്നതിനാല്‍ രണ്ടു ബാലറ്റ് യൂനിറ്റുകളില്‍ ക്രമീകരിക്കും. വോട്ടുചെയ്യുന്നതിനായി വോട്ടിങ് കംപാര്‍ട്ട്‌മെന്റിനകത്ത് പ്രവേശിച്ചുകഴിയുമ്പോള്‍ ബാലറ്റ് യൂനിറ്റുകളും വിവിപാറ്റും ക്രമീകരിച്ചതായി കാണാം. ബാലറ്റ് യൂനിറ്റില്‍ മത്സരിക്കുന്ന സ്ഥാനാര്‍ഥിയുടെ പേര്, ഫോട്ടോ, ചിഹ്നം എന്നിവ വ്യക്തമായി രേഖപ്പെടുത്തിയിട്ടുണ്ടാകും. എതു സ്ഥാനാര്‍ഥിക്കാണോ വോട്ട് ചെയ്യാന്‍ ആഗ്രഹിക്കുന്നത്, ആ സ്ഥാനാര്‍ഥിയുടെ പേരിനു നേരെയുള്ള നീല ബട്ടനില്‍ വിരലമര്‍ത്തി വോട്ട് രേഖപ്പെടുത്താം.