മാഹി: മാഹി മേഖലയില്‍ ആഴ്ചയില്‍ ഒരുദിവസം സൈക്കിള്‍ റൈഡിങ്ങ് സംഘടിപ്പിക്കണമെന്നു പുതുച്ചേരി ഗവര്‍ണര്‍ ഡോ. കിരണ്‍ ബേദി മാഹി ഭരണകൂടത്തിനു നിര്‍ദേശം നല്‍കി. നാട്ടിലെ ഉള്‍പ്രദേശങ്ങളിലെ ജനങ്ങളുടെ പ്രശ്‌നങ്ങള്‍ മനസിലാക്കുവാനും ആരോഗ്യകരമായ പ്രശ്‌നങ്ങള്‍ സൈക്കിള്‍ സവാരിയോടെ പിടിച്ചുനിര്‍ത്തുവാനും കഴിയുമെന്നു ഗവര്‍ണര്‍ പറഞ്ഞു. പള്ളൂരില്‍ നിന്നു പന്തക്കലിലേക്കു സൈക്കിള്‍ റൈഡിങ്ങ് നടത്തിയശേഷം സംസാരിക്കുകയായിരുന്നു ഗവര്‍ണര്‍. ഡോ. രാമചന്ദ്രന്‍ എം.എല്‍.എ, റീജണല്‍ അഡ്മിനിസ്‌ട്രേറ്റര്‍ എസ്. മാണിക്ക ദീപന്‍, നഗരസഭാ കമ്മിഷണര്‍ അമന്‍ ശര്‍മ, പൊലിസ് സൂപ്രണ്ട് സി.എച്ച് രാധാകൃഷ്ണ, ചീഫ് എഡുക്കേഷണല്‍ ഓഫിസര്‍ ഉത്തമരാജ് സംസാരിച്ചു. ഉദ്യോഗസ്ഥരും വിദ്യാര്‍ഥികളും മാഹി പൊലിസും വടകര സൈക്കിള്‍ റൈഡേഴ്‌സ് ക്ലബ് അംഗങ്ങളും ഗവര്‍ണര്‍ക്കൊപ്പം റൈഡിങ്ങില്‍ പങ്കെടുത്തു.