തിരുവനന്തപുരം: ലോക്‌സഭാ തെരഞ്ഞെടുപ്പില്‍ ജില്ലയില്‍ മികച്ച പോളിങ്.വോട്ടെടുപ്പ് നാലു മണിക്കൂര്‍ പിന്നിടുമ്പോള്‍ ജില്ലയില്‍ പോളിങ് ശതമാനം 26.37 ആയി. ആറ്റിങ്ങല്‍ ലോക്‌സഭാ മണ്ഡലത്തില്‍ 26.87 ശതമാനവും തിരുവനന്തപുരത്ത് 25.86 ശതമാനവും പേര്‍ വോട്ട് രേഖപ്പെടുത്തി.

രാവിലെ മുതല്‍ മിക്ക ബൂത്തുകളിലും വോട്ടര്‍മാരുടെ നീണ്ട നിരയാണ്. ആദ്യ നാലു മണിക്കൂര്‍ പിന്നിടുമ്പോള്‍ നെയ്യറ്റിന്‍കര നിയമസഭാ മണ്ഡലത്തിലാണ് ഏറ്റവും കൂടുതല്‍ പേര്‍ വോട്ട് ചെയ്തത്. 28.77 ശതമാനം. തിരുവനന്തപുരം മണ്ഡലത്തിലാണ് പോളിങ് കുറവ് 23.28 ശതമാനം പേര്‍ ഇവിടെ വോട്ട് രേഖപ്പെടുത്തി.