തിരുവനന്തപുരം: വോട്ടിങ്ങില്‍ ക്രമക്കേട് ഉണ്ടെന്ന് ആരോപിക്കുന്നവര്‍ക്കെതിരേ കേസെടുക്കുന്ന നടപടി അംഗീകരിക്കാനാവില്ലെന്ന് പ്രതിപക്ഷ നേതാവ് രമേശ് ചെന്നിത്തല. ഇതൊരു സാങ്കേതിക പ്രശ്‌നമാണ്. പരാതി ഉന്നയിക്കുന്നവര്‍ തന്നെ പ്രശ്‌നം പരിഹരിക്കുകയെന്നത് അംഗീകരിക്കാനാവില്ലെന്ന് രമേശ് ചെന്നിത്തല പറഞ്ഞു.

നേരത്തെ വോട്ടിങ്ങില്‍ ക്രമക്കേട് ആരോപിക്കുന്നവര്‍ തെളിയിച്ചില്ലെങ്കില്‍ ഇന്ത്യന്‍ ശിക്ഷാ നിയമം സെക്ഷന്‍ 177 പ്രകാരം കേസെടുക്കുമെന്ന് മുഖ്യ തെരഞ്ഞെടുപ്പ് ഓഫിസര്‍ അറിയിച്ചിരുന്നു.