ക്വലാലംപുര്‍: മഹാരാഷ്ട്രയില്‍ നടക്കുന്ന ദേശീയ ജൂനിയര്‍ വനിതാ ഫുട്‌ബോള്‍ ചാംപ്യന്‍ഷിപ്പില്‍ കേരളത്തിന് തകര്‍പ്പന്‍ ജയം. പഞ്ചാബിനെ എതിരില്ലാത്ത മൂന്ന് ഗോളുകള്‍ക്കാണ് കേരളത്തിന്റെ ചുണക്കുട്ടികള്‍ തകര്‍ത്തെറിഞ്ഞത്. കേരളത്തിന് വേണ്ടി നന്ദന കൃഷ്ണന്‍ (17), .പി. മാളവിക (29), ആര്യ (87) എന്നിവര്‍ ഗോള്‍ നേടി. രണ്ട് കളികളില്‍ രണ്ട് ജയവുമായി ഗ്രൂപ്പ് എച്ചില്‍ രണ്ടാമതാണ് കേരളം. ഗ്രൂപ്പിലെ ആദ്യ മത്സരത്തില്‍ കേരളം ആന്ധ്രാ പ്രദേശിനെ എതിരില്ലാത്ത ആറ് ഗോളുകള്‍ക്ക് തകര്‍ത്തിരുന്നു. മറ്റു മത്സരങ്ങളില്‍ മിസോറം 7-0ത്തിന് ആന്ധ്രാ പ്രദേശിനെയും ഒഡിഷ 13-0ത്തിന് പോണ്ടിച്ചേരിയെയും ഹിമാചല്‍ 4-0ത്തിന് മഹാരാഷ്ട്രയെയും പരാജയപ്പെടുത്തി.