കൊല്ലം: അഞ്ചലില്‍ ഉത്രയെ പാമ്പിനെകൊണ്ട് കടിപ്പിച്ചുകൊന്ന കേസില്‍ ഭര്‍ത്താവ് സൂരജിന്റെ അമ്മ രേണുകയേയും സഹോദരി സൂര്യയെയും അറസ്റ്റ് ചെയ്തു. ഗൂഢാലോചന,തെളിവുനശിപ്പിക്കല്‍ തുടങ്ങിയ കുറ്റങ്ങള്‍ ചുമത്തിയാണ് അറസ്റ്റ്.

കേസില്‍ നാലുതവണ രേണുകയേയും സൂര്യയേയും ക്രൈംബ്രാഞ്ച് ചോദ്യം ചെയ്തിരുന്നു. ആദ്യ കുറ്റപത്രത്തില്‍ ഇരുവരേയും ഒഴിവാക്കിയിരുന്നു. എന്നാല്‍ ഗാര്‍ഹിക പീഡനം,തെളിവുനശിപ്പിക്കല്‍ തുടങ്ങിയ കുറ്റങ്ങള്‍ ആരോപിച്ചുള്ള രണ്ടാമത്തെ കുറ്റപത്രത്തില്‍ രേണുകയേയും സൂര്യയേയും സൂരജിന്റെ അച്ഛന്‍ സുരേന്ദ്രനേയും പ്രതിചേര്‍ത്തിട്ടുണ്ട്.