ടൊറന്റോ: സൂപ്പര്‍ താരങ്ങളായ റോജര്‍ ഫെഡറര്‍, റാഫേല്‍ നദാല്‍ എന്നിവര്‍ അടുത്തയാഴ്ച്ച ആരംഭിക്കുന്ന ടൊറന്റോ മാസ്റ്റേഴ്‌സില്‍ മത്സരിക്കില്ല. നേരത്തെ കഴിഞ്ഞ വര്‍ഷത്തെ ടൂര്‍ണമെന്റിലും ഫെഡറര്‍ കളിച്ചിരുന്നില്ല. റിയോ ഒളിംപിക്‌സ് അടുത്തിരിക്കുന്ന സാഹചര്യത്തില്‍ പരിശീലനത്തിനാണ് കൂടുതല്‍ പ്രാധാന്യം നല്‍കുന്നതെന്നു ഫെഡറര്‍ വ്യക്തമാക്കി.

അതേസമയം പരുക്കില്‍ നിന്നു മുക്തനാവാത്തതിനെ തുടര്‍ന്നാണ് നദാല്‍ ടൂര്‍ണമെന്റില്‍ നിന്നു പിന്‍മാറിയത്. പരുക്ക് ഭേദമായി തുടങ്ങിയിട്ടുണ്ട്. എന്നാല്‍ കളിക്കാവുന്ന അവസ്ഥയിലേക്കെത്തിയിട്ടില്ലെന്ന് നദാല്‍ പറഞ്ഞു. നേരത്തെ വിംബിള്‍ഡണ്‍ ചാംപ്യന്‍ ബ്രിട്ടന്റെ ആന്‍ഡി മുറെയും ടൂര്‍ണമെന്റില്‍ നിന്ന് പിന്‍മാറിയിരുന്നു.