ന്യൂഡല്‍ഹി: കേരളത്തില്‍ വോട്ടിങ് മെഷിനുമായി ബന്ധപ്പെട്ടുണ്ടായ വിഷയത്തില്‍ കേന്ദ്ര തെരഞ്ഞെടുപ്പ് കമ്മിഷന് പരാതി നല്‍കിയതായി കോണ്‍ഗ്രസ് നേതാക്കളായ മനു അഭിഷേക് സിങ്‌വി, ജയ്‌റാം രമേശ് എന്നിവര്‍ അറിയിച്ചു.

ഇന്നലെ തെരഞ്ഞെടുപ്പ് കമ്മിഷനെ കണ്ട ശേഷം മാധ്യമങ്ങളോട് സംസാരിക്കവെയാണ് കോണ്‍ഗ്രസ് നേതാക്കള്‍ ഇക്കാര്യം അറിയിച്ചത്. ഇതുസംബന്ധിച്ച് ശശി തരൂരുമായി ആശയവിനിമയം നടത്തിയെന്നും അതിന്റെ അടിസ്ഥാനത്തിലാണ് പരാതി ഉന്നയിച്ചതെന്നും നേതാക്കള്‍ വ്യക്തമാക്കി.