അഞ്ചല്‍: കോണ്‍ഗ്രസ് പനച്ചവിള മേഖലാ കമ്മിറ്റിയുടെ നേതൃത്വത്തില്‍ ഇടമുളയ്ക്കല്‍ പ്രദേശത്തെ നിര്‍ധനരായ 250 പേര്‍ക്ക് ഓണക്കിറ്റും പ്രളയ ദുരിതപ്രദേശമായ ചെങ്ങന്നൂരിലേക്ക് ഒരു ലോഡ് ഭക്ഷ്യവസ്തുക്കളും നല്‍കി. പനച്ചവിള ജങ്ഷനില്‍ നടന്ന പരിപാടിയില്‍ കെ.പി.സി.സി നിര്‍വ്വാഹക സമിതി അംഗം സൈമണ്‍ അലക്‌സ് അധ്യക്ഷനായി. ഡി.സി.സി പ്രസിഡന്റ് ബിന്ദുകൃഷ്ണ ഉദ്ഘാടനം ചെയ്തു. കെ.പി.സി.സി മെമ്പര്‍ ജി. പ്രതാപവര്‍മ്മ തമ്പാന്‍ ഓണസന്ദേശം നല്‍കി. ഡി.സി.സി സെക്രട്ടറി അമ്മിണിരാജന്‍,ലിജുആലുവിള, യൂത്ത് കോണ്‍ഗ്രസ് പാര്‍ലമെന്റ് മണ്ഡലം പ്രസിഡന്റ് എസ്.ജെ പ്രേംരാജ്, വില്‍സന്‍നെടുവിള, ആയൂര്‍ ഗോപിനാഥ്, കെ.സി എബ്രഹാം സംസാരിച്ചു.